КОРХОНА ХАРАЖАТЛАРИНИ БОШҚАРИШ МАСАЛАЛАРИ

Аннотация

Иқтисодиётни модернизациялаш шароитида корхоналар хусусиятларининг бири - уларнинг мустақиллиги, ўз фаолияти харажатларини ўзи қоплаш ва ўз-ўзини молиялаштириш ҳисобланади. Бу тамойилларга асосланган ҳолда, корхоналарнинг фаолият юритиши ўзига хос ижобий ва салбий натижаларига эга. Ижобий томонлари шундан иборат-ки, корхона маҳсулот ишлаб чиқариш ва унинг реализацияси бўйича қарорларни мустақил ҳал этади ва харажатлар таркибини ўзлари белгилайди. Салбий натижалари эса, қабул қилинган асоссиз қарорлардан ўзлари азият чекади ва ошиб кетган харажатлар таркиби зарарга олиб келади. Шу нуқтаи-назардан корхона фаолиятини бошқарувида харажатларни бошқариш муҳим аҳамият касб этади.